පරිවර්තනය https://suttacentral.net/sn20.2/si/zoysa YouTube link for Live Streaming : https://youtu.be/hD3yd0CnSkk (ZOOM ඇප් එකෙන් සම්බන්ධ නොවී, යූටූබ් හරහා ඔන්ලයින් නැරඹීමට පමණක් අවශ්‍ය ඔබගේ යහලුවන්ට මේ ලින්ක් එක යැවිය හැකිය) නඛසිඛසුත්‌තං සාවත්‌ථියං විහරති. අථ ඛො භගවා පරිත්‌තං නඛසිඛායං පංසුං ආරොපෙත්‌වා භික්‌ඛූ ආමන්‌තෙසි – ‘‘තං කිං මඤ්‌ඤථ භික්‌ඛවෙ, කතමං නු ඛො බහුතරං, යො වායං මයා පරිත්‌තො නඛසිඛායං පංසු ආරොපිතො අයං වා මහාපථවී’’ති? ‘‘එතදෙව, භන්‌තෙ, බහුතරං යදිදං මහාපථවී. අප්‌පමත්‌තකොයං භගවතා පරිත්‌තො නඛසිඛායං පංසු ආරොපිතො. සඞ්‌ඛම්‌පි න උපෙති උපනිධිම්‌පි න උපෙති කලභාගම්‌පි න උපෙති මහාපථවිං උපනිධාය භගවතා පරිත්‌තො නඛසිඛායං පංසු ආරොපිතො’’ති. ‘‘එවමෙව ඛො, භික්‌ඛවෙ, අප්‌පකා තෙ සත්‌තා යෙ මනුස්‌සෙසු පච්‌චාජායන්‌ති; අථ ඛො එතෙයෙව බහුතරා සත්‌තා යෙ අඤ්‌ඤත්‍ර මනුස්‌සෙහි පච්‌චාජායන්‌ති. තස්‌මාතිහ, භික්‌ඛවෙ, එවං සික්‌ඛිතබ්‌බං – ‘අප්‌පමත්‌තා විහරිස්‌සාමා’ති. එවඤ්‌හි වො, භික්‌ඛවෙ, සික්‌ඛිතබ්‌බ’’න්‌ති. දුතියං.