පරිවර්තනය https://suttacentral.net/an4.6/si/zoysa YouTube link for Live Streaming : https://youtu.be/X4FkCCPiY14 (ZOOM ඇප් එකෙන් සම්බන්ධ නොවී, යූටූබ් හරහා ඔන්ලයින් නැරඹීමට පමණක් අවශ්‍ය ඔබගේ යහලුවන්ට මේ ලින්ක් එක යැවිය හැකිය) අප්‌පස්‌සුතසුත්‌තං ‘‘චත්‌තාරොමෙ, භික්‌ඛවෙ, පුග්‌ගලා සන්‌තො සංවිජ්‌ජමානා ලොකස්‌මිං. කතමෙ චත්‌තාරො? අප්‌පස්‌සුතො සුතෙන අනුපපන්‌නො, අප්‌පස්‌සුතො සුතෙන උපපන්‌නො, බහුස්‌සුතො සුතෙන අනුපපන්‌නො, බහුස්‌සුතො සුතෙන උපපන්‌නො. කථඤ්‌ච, භික්‌ඛවෙ, පුග්‌ගලො අප්‌පස්‌සුතො හොති සුතෙන අනුපපන්‌නො ? ඉධ , භික්‌ඛවෙ, එකච්‌චස්‌ස පුග්‌ගලස්‌ස අප්‌පකං සුතං හොති – සුත්‌තං ගෙය්‍යං වෙය්‍යාකරණං ගාථා උදානං ඉතිවුත්‌තකං ජාතකං අබ්‌භුතධම්‌මං වෙදල්‌ලං. සො තස්‌ස අප්‌පකස්‌ස සුතස්‌ස න අත්‌ථමඤ්‌ඤාය ධම්‌මමඤ්‌ඤාය. ධම්‌මානුධම්‌මප්‌පටිපන්‌නො හොති. එවං ඛො, භික්‌ඛවෙ, පුග්‌ගලො අප්‌පස්‌සුතො හොති සුතෙන අනුපපන්‌නො. ‘‘කථඤ්‌ච, භික්‌ඛවෙ, පුග්‌ගලො අප්‌පස්‌සුතො හොති සුතෙන උපපන්‌නො? ඉධ, භික්‌ඛවෙ, එකච්‌චස්‌ස පුග්‌ගලස්‌ස අප්‌පකං සුතං හොති – සුත්‌තං ගෙය්‍යං වෙය්‍යාකරණං ගාථා උදානං ඉතිවුත්‌තකං ජාතකං අබ්‌භු