පරිවර්තනය https://suttacentral.net/sn15.1/si/zoysa
(ZOOM ඇප් එකෙන් සම්බන්ධ නොවී, යූටූබ් හරහා ඔන්ලයින් නැරඹීමට පමණක් අවශ්‍ය ඔබගේ යහලුවන්ට මේ ලින්ක් එක යැවිය හැකිය)
තිණකට්‌ඨසුත්‌තං
එවං මෙ සුතං – එකං සමයං භගවා සාවත්‌ථියං විහරති ජෙතවනෙ අනාථපිණ්‌ඩිකස්‌ස ආරාමෙ. තත්‍ර ඛො භගවා භික්‌ඛූ ආමන්‌තෙසි – ‘‘භික්‌ඛවො’’ති. ‘‘භදන්‌තෙ’’ති තෙ භික්‌ඛූ භගවතො පච්‌චස්‌සොසුං. භගවා එතදවොච –
‘‘අනමතග්‌ගොයං [අනමතග්‌ගායං (පී. ක.)] භික්‌ඛවෙ, සංසාරො. පුබ්‌බා කොටි න පඤ්‌ඤායති අවිජ්‌ජානීවරණානං සත්‌තානං තණ්‌හාසංයොජනානං සන්‌ධාවතං සංසරතං. සෙය්‍යථාපි, භික්‌ඛවෙ, පුරිසො යං ඉමස්‌මිං ජම්‌බුදීපෙ තිණකට්‌ඨසාඛාපලාසං තං ඡෙත්‌වා [තච්‌ඡෙත්‌වා (බහූසු)] එකජ්‌ඣං සංහරිත්‌වා චතුරඞ්‌ගුලං චතුරඞ්‌ගුලං ඝටිකං කත්‌වා නික්‌ඛිපෙය්‍ය – ‘අයං මෙ මාතා, තස්‌සා මෙ මාතු අයං මාතා’ති, අපරියාදින්‌නාව [අපරියාදිණ්‌ණාව (සී.)] භික්‌ඛවෙ, තස්‌ස පුරිසස්‌ස මාතුමාතරො අස්‌සු, අථ ඉමස්‌මිං ජම්‌බුදීපෙ තිණකට්‌ඨසාඛාපලාසං පරික්‌ඛයං පරියාදානං ගච්‌ඡෙය්‍ය. තං කිස්‌ස හෙතු? අනමතග්‌ගොයං, භික්‌ඛවෙ, සංසාරො. පුබ්‌බා කොටි න පඤ්‌ඤායති අවිජ්‌ජානීවරණානං සත්‌තානං තණ්‌හාසංයොජනානං සන්‌ධාවතං සංසරතං. එවං දීඝරත්‌තං වො, භික්‌ඛවෙ, දුක්‌ඛං පච්‌චනුභූතං තිබ්‌බං පච්‌චනුභූතං බ්‍යසනං පච්‌චනුභූතං, කටසී [කටසි (සී. පී. ක.) කටා ඡවා සයන්‌ති එත්‌ථාති කටසී] වඩ්‌ඪිතා. යාවඤ්‌චිදං, භික්‌ඛවෙ, අලමෙව සබ්‌බසඞ්‌ඛාරෙසු නිබ්‌බින්‌දිතුං අලං විරජ්‌ජිතුං අලං විමුච්‌චිතු’’න්‌ති. පඨමං.
Comments
Post a Comment