කල්‍යාණ මිත්‍රත්වය කියන එක ඔබ කවුරුත් දැනට දන්න නිසා අපි දන්න කාරණා කීපයක්ම කතා කරලම මේ සූත්‍ර කාරණාවට යන්න. මුලින්ම කියන්න ඕන කල්‍යාණ මිත්‍රයෝ කියන්නේ යහපත් යහළුවෝම (good friends) නෙවෙයි. ඉංග්‍රීසි භාෂාවේ පරිවර්තන ගැටළු තිබෙන්න පුළුවන්. අපි පාලියට බර වෙලා නේ මෙය විග්‍රහ කරන්න යන්නේ. එතකොට අපට මේකේ වෙනස තේරෙනවා. මේ කතා කරන කල්‍යාණ මිත්‍රයන් ආධ්‍යාත්මික මිත්‍රයන් කියලා තමයි අපට ගන්න තිබෙන්නේ. කල්‍යාණමිත්ත පාලි භාෂාවෙන්. කල්‍යාණ මිත්‍රයා කියලා සිංහලෙන් කියන්නත් පුළුවන්. සමහර තැන්වල සිංහල භාෂාවේ වුනත් මිත්‍රයා සහ යහලුවා කියන එක විධි දෙකකට පාවිච්චි කරන අවස්ථා තිබෙනවා.
මෙම සූත්‍රයට අනුව කල්‍යාණමිත්තස්ස, කල්‍යාණසහායස්ස; කල්‍යාණසම්පවඞකස්ස කියලා තුන් දෙනෙක් ඉන්නවා. මෙහි යහපත් කියන අර්ථය තිබෙනවා, නමුත් මේ තුන් දෙනෙක්. අපි ආශ්‍රය කරන විධිය අනුව වෙන්වන ආකාර තුනක්. දැන් සාමාන්‍යයෙන් අපි ඉංග්‍රීසියෙන් කිව්වොත් මෙතන අපිට ගන්න පුළුවන් spiritual friend කියන එක. මෙතන කල්‍යාණසහායස්ස කියන එක ගන්න පුළුවන් spiritual companion වගේ දෙයක්. කළ්‍යාණසම්පවඞකස්ස කියන එක spiritual associate වගේ දෙයක්. එතකොට ආධ්‍යාත්මික ජීවිතයට බරව තමයි මේ තුනම කතා වෙන්නේ. යහපත් මිත්‍රයාම (good friend) නෙවෙයි.
Comments
Post a Comment