සිංහල පරිවර්තනය https://suttacentral.net/sn3.13/si/zoysa
(ZOOM ඇප් එකෙන් සම්බන්ධ නොවී, යූටූබ් හරහා ඔන්ලයින් නැරඹීමට පමණක් අවශ්‍ය ඔබගේ යහලුවන්ට මේ ලින්ක් එක යැවිය හැකිය)
දොණපාකසුත්‌තං
සාවත්‌ථිනිදානං. තෙන ඛො පන සමයෙන රාජා පසෙනදි කොසලො දොණපාකකුරං [දොණපාකසුදං (සී.), දොණපාකං සුදං (පී.)] භුඤ්‌ජති. අථ ඛො රාජා පසෙනදි කොසලො භුත්‌තාවී මහස්‌සාසී යෙන භගවා තෙනුපසඞ්‌කමි; උපසඞ්‌කමිත්‌වා භගවන්‌තං අභිවාදෙත්‌වා එකමන්‌තං නිසීදි.
අථ ඛො භගවා රාජානං පසෙනදිං කොසලං භුත්‌තාවිං මහස්‌සාසිං විදිත්‌වා තායං වෙලායං ඉමං ගාථං අභාසි –
‘‘මනුජස්‌ස සදා සතීමතො,
මත්‌තං ජානතො ලද්‌ධභොජනෙ;
තනුකස්‌ස [තනු තස්‌ස (සී. පී.)] භවන්‌ති වෙදනා,
සණිකං ජීරති ආයුපාලය’’න්‌ති.
තෙන ඛො පන සමයෙන සුදස්‌සනො මාණවො රඤ්‌ඤො පසෙනදිස්‌ස කොසලස්‌ස පිට්‌ඨිතො ඨිතො හොති. අථ ඛො රාජා පසෙනදි කොසලො සුදස්‌සනං මාණවං ආමන්‌තෙසි – ‘‘එහි ත්‌වං, තාත සුදස්‌සන, භගවතො සන්‌තිකෙ ඉමං ගාථං පරියාපුණිත්‌වා මම භත්‌තාභිහාරෙ (භත්‌තාභිහාරෙ) [( ) සී. ස්‍යා. කං. පී. පොත්‌ථකෙසු නත්‌ථි] භාස. අහඤ්‌ච තෙ දෙවසිකං කහාපණසතං (කහාපණසතං) [( ) සී. ස්‍යා. කං. පොත්‌ථකෙසු නත්‌ථි] නිච්‌චං භික්‌ඛං පවත්‌තයිස්‌සාමී’’ති. ‘‘එවං දෙවා’’ති ඛො සුදස්‌සනො මාණවො රඤ්‌ඤො පසෙනදිස්‌ස කොසලස්‌ස පටිස්‌සුත්‌වා භගවතො සන්‌තිකෙ ඉමං ගාථං පරියාපුණිත්‌වා රඤ්‌ඤො පසෙනදිස්‌ස කොසලස්‌ස භත්‌තාභිහාරෙ සුදං භාසති –
මත්‌තං ජානතො ලද්‌ධභොජනෙ;
සණිකං ජීරති ආයුපාලය’’න්‌ති.
Comments
Post a Comment