සිංහල පරිවර්තනය https://
(ZOOM ඇප් එකෙන් සම්බන්ධ නොවී, යූටූබ් හරහා ඔන්ලයින් නැරඹීමට පමණක් අවශ්‍ය ඔබගේ යහලුවන්ට මේ ලින්ක් එක යැවිය හැකිය)
රතනසුත්‌තං
සබ්‌බෙව භූතා සුමනා භවන්‌තු, අථොපි සක්‌කච්‌ච සුණන්‌තු භාසිතං.
දිවා ච රත්‌තො ච හරන්‌ති යෙ බලිං, තස්‌මා හි නෙ රක්‌ඛථ අප්‌පමත්‌තා.
න නො සමං අත්‌ථි තථාගතෙන, ඉදම්‌පි බුද්‌ධෙ රතනං පණීතං;
එතෙන සච්‌චෙන සුවත්‌ථි හොතු.
න තෙන ධම්‌මෙන සමත්‌ථි කිඤ්‌චි, ඉදම්‌පි ධම්‌මෙ රතනං පණීතං;
එතෙන සච්‌චෙන සුවත්‌ථි හොතු.
සමාධිනා තෙන සමො න විජ්‌ජති, ඉදම්‌පි ධම්‌මෙ රතනං පණීතං;
එතෙන සච්‌චෙන සුවත්‌ථි හොතු.
යෙ පුග්‌ගලා අට්‌ඨ සතං පසත්‌ථා, චත්‌තාරි එතානි යුගානි හොන්‌ති;
තෙ දක්‌ඛිණෙය්‍යා සුගතස්‌ස සාවකා, එතෙසු දින්‌නානි මහප්‌ඵලානි;
ඉදම්‌පි සඞ්‌ඝෙ රතනං පණීතං, එතෙන සච්‌චෙන සුවත්‌ථි හොතු.
යෙ සුප්‌පයුත්‌තා මනසා දළ්‌හෙන, නික්‌කාමිනො ගොතමසාසනම්‌හි;
තෙ පත්‌තිපත්‌තා අමතං විගය්‌හ, ලද්‌ධා මුධා නිබ්‌බුතිං [නිබ්‌බුති (ක.)] භුඤ්‌ජමානා;
යථින්‌දඛීලො පථවිස්‌සිතො [පඨවිස්‌සිතො (ක. සී.), පථවිංසිතො (ක. සි. ස්‍යා. කං. පී.)] සියා, චතුබ්‌භි වාතෙහි අසම්‌පකම්‌පියො;
ඉදම්‌පි සඞ්‌ඝෙ රතනං පණීතං, එතෙන සච්‌චෙන සුවත්‌ථි හොතු.
යෙ අරියසච්‌චානි විභාවයන්‌ති, ගම්‌භීරපඤ්‌ඤෙන සුදෙසිතානි;
කිඤ්‌චාපි තෙ හොන්‌ති භුසං පමත්‌තා, න තෙ භවං අට්‌ඨමමාදියන්‌ති;
ඉදම්‌පි සඞ්‌ඝෙ රතනං පණීතං, එතෙන සච්‌චෙන සුවත්‌ථි හොතු.
සක්‌කායදිට්‌ඨී විචිකිච්‌ඡිතඤ්‌ච, සීලබ්‌බතං වාපි යදත්‌ථි කිඤ්‌චි.
චතූහපායෙහි ච විප්‌පමුත්‌තො, ඡච්‌චාභිඨානානි [ඡ චාභිඨානානි (සී. ස්‍යා.)] අභබ්‌බ කාතුං [අභබ්‌බො කාතුං (සී.)];
ඉදම්‌පි සඞ්‌ඝෙ රතනං පණීතං, එතෙන සච්‌චෙන සුවත්‌ථි හොතු.
වනප්‌පගුම්‌බෙ යථ [යථා (සී. ස්‍යා.)] ඵුස්‌සිතග්‌ගෙ, ගිම්‌හානමාසෙ පඨමස්‌මිං [පඨමස්‌මි (?)] ගිම්‌හෙ;
තථූපමං ධම්‌මවරං අදෙසයි [අදෙසයී (සී.)], නිබ්‌බානගාමිං පරමං හිතාය;
ඉදම්‌පි බුද්‌ධෙ රතනං පණීතං, එතෙන සච්‌චෙන සුවත්‌ථි හොතු.
වරො වරඤ්‌ඤූ වරදො වරාහරො, අනුත්‌තරො ධම්‌මවරං අදෙසයි;
ඉදම්‌පි බුද්‌ධෙ රතනං පණීතං, එතෙන සච්‌චෙන සුවත්‌ථි හොතු.
ඛීණං පුරාණං නව නත්‌ථි සම්‌භවං, විරත්‌තචිත්‌තායතිකෙ භවස්‌මිං;
තෙ ඛීණබීජා අවිරූළ්‌හිඡන්‌දා, නිබ්‌බන්‌ති ධීරා යථායං [යථයං (ක.)] පදීපො;
ඉදම්‌පි සඞ්‌ඝෙ රතනං පණීතං, එතෙන සච්‌චෙන සුවත්‌ථි හොතු.
තථාගතං දෙවමනුස්‌සපූජිතං, බුද්‌ධං නමස්‌සාම සුවත්‌ථි හොතු.
යානීධ භූතානි සමාගතානි, භුම්‌මානි වා යානි ව අන්‌තලික්‌ඛෙ;
තථාගතං දෙවමනුස්‌සපූජිතං, සඞ්‌ඝං නමස්‌සාම සුවත්‌ථි හොතූති.
Comments
Post a Comment